Нов ценовен шок во регионот: Дизелот во Словенија достигна рекордни 1,99 евра за литар

Регулираните цени на нафтените деривати во Словенија се зголемија од полноќ, па така литар бензин од 95 октани чини 1.718 евра, што е зголемување од 5,4 центи.

Цената на дизелот се зголеми за 5,2 центи и достигна рекордни 1.991 евра за литар, додека цената на литар мазут се зголеми за 5,8 центи на рекордни 1.602 евра за литар.

Новите цени важат до 21 септември.

- Advertisement -

Владата на Република Словенија не ги промени акцизите за дизел горивото, кои веќе се на најниското дозволено ниво, според СТА.

Според пресметките на словенечкото Министерство за инфраструктура и енергетика, доколку цените не беа регулирани и немаше ослободувања од одредени такси, литар бензин од 95 октани би чинел околу 1.927 евра. Литар дизел би чинел околу 2.206 евра, додека цената на литар мазут би била околу 1.817 евра.

Цените на нафтените деривати на бензинските пумпи покрај автопатите и експресните патишта сè уште можат слободно да ги одредуваат трговците.