Американскиот претседател Доналд Трамп го повика украинскиот претседател  Володимир Зеленски да престане да ја напаѓа руската дизел инфраструктура, велејќи дека нападите предизвикуваат недостиг на дизел

Американскиот претседател Доналд Трамп го повика украинскиот претседател  Володимир Зеленски да престане да ја напаѓа руската дизел инфраструктура, велејќи дека нападите предизвикуваат недостиг на дизел.

– Разговаравме со г-дин Зеленски за тоа. Постојат многу други цели. Не го таргетирајте дизел горивото – рече Трамп, кој го поминува викендот во Ирска, каде што го гледа голф турнирот „Ирска опен“ на едно од неговите голф терени.

Американскиот лидер го обвини Зеленски за зголемувањето на цените на дизелот во светот.

- Advertisement -

– Зеленски мора да направи едно нешто. Мора да престане да ги уништува руските капацитети за производство на дизел. Тој предизвикува недостиг на дизел. Тоа не го прави Блискиот Исток. Тоа е последица на она што се случува меѓу Русија и Украин – заклучи Трамп.

Претходно, американскиот министер за енергетика Крис Рајт изјави дека украинските напади врз руските рафинерии за нафта се еден од факторите што влијаат на обемот на глобалното снабдување со дизел гориво.

Тој истакна дека прекините кои дојдоа по нападите веќе влијаат на цените на горивото на светскиот пазар.

Украина неодамна изврши напади со оружје со долг дострел врз рускиот нафтен и гасен сектор, што, според тврдењата од Киев, ја финансира и директно ја иницира руската војна против Украина. По успехот украина продолжи да ги напаѓа енергетските капацитети на Русија што доведе до недостиг на гориво во Русија и запирање на извозот на дизел.