ФИФА потврди: Инфантино е кандидат за реизбор

Претседателот на ФИФА, Џани Инфантино, ќе се кандидира за реизбор на следните избори за претседател на Одборот на Меѓународниот фудбалски сојуз, потврди организацијата што ја предводи.

Џани Инфантино е претседател на ФИФА од 2016 година и има намера да се кандидира за уште еден мандат и покрај месеците притисоци и повици за негова оставка.

Инфантино очигледно е уверен дека сè уште има доволно поддршка за нов мандат на чело на управното тело на светскиот фудбал.

- Advertisement -

„Претседателот на ФИФА објави во април дека ќе биде кандидат за реизбор во 2027 година. Секако, тоа не се променило. Г-дин Инфантино ќе биде кандидат за реизбор“, соопшти ФИФА во недела.

Ова е прв пат ФИФА да зборува за претстојните претседателски избори по Светското првенство. Доколку биде реизбран, Инфантино ќе добие мандат до 2031 година.

За разлика од неговите изјави во текот на изминатиот месец, Инфантино не сакаше да зборува за оваа тема за време на отворањето на Светското првенство за жени играчи под 20 години.

Рокот за поднесување на кандидатури за претседател на ФИФА истекува на 18 ноември.