Жена со два ножа избоде две лица среде Тајмс сквер, а потоа тргна кон полицајците кои ја опколија

Жена со два ножа избоде две лица среде Тајмс сквер, а потоа тргна кон полицајците кои ја опколија. Тие отворија оган и смртно ја ранија. Снимката од Њујорк брзо се прошири на социјалните мрежи.

Нападот се случи нешто пред 16.30 часот, кај 42. улица и Седмата авенија во Њујорк. Според полицијата, жената им се заканувала на луѓето со два ножа. Потоа избодела маж и жена. Мажот е во критична состојба, додека нападнатата жена почина.

По нападот побегнала кон север, во правец на полициската станица на Тајмс сквер. Таму полицајците се соочиле со неа и побарале да ги спушти ножевите. Жената одбила.

- Advertisement -

Инцидентот првично бил пријавен како разбојништво со закана со нож.

Полицијата подоцна соопшти дека засега не утврдила јасен мотив за нападот. Во доставениот материјал се наведува дека напаѓачката имала психички проблеми.