ОСОМНИЧЕНИОТ УБИЕЦ СЕ КРИЕЛ ВО БАГАЖНИК

Албанската полиција го уапси осомничениот убиец кој утрово со повеќе убоди од нож уби 20-годишен турист од Португалија, на плажа во Ксамил.

Осомничениот сторител е уапсен од оперативните служби на Управата за локална полиција во Валона, во соработка со службите на силите „Шќопоња“, на заедничкиот контролен пункт поставен на патниот правец Леван-Фиер.

Според полицијата, осомничениот сторител, албанскиот државјанин Сократ Вата(29), од Хас, се криел во багажникот на возило управувано од 31-годишна турска државјанка, додека во возилото како сопатник патувал и 38-годишен турски државјанин.

- Advertisement -

Осомничениот и двајцата турски државјани се спроведени во Полициската станица Валона за понатамошни процедурални дејствија.

Полицијата соопшти дека странскиот државјанин кој го загуби животот е португалскиот државјанин Луис Мигуел Варела Мендес, роден во 2005 година.

Според медиумите, Вата има долга криминална историја во странство. Претходно бил уапсен и осуден во Велика Британија за голем број сериозни кривични дела, главно шверц на кокаин.