61-годишен жител на Брвеница е тешко повреден откако паднал од кровната конструкција на куќа во село Боговиње, Тетовско, додека изведувал градежни работи

61-годишен жител на Брвеница е тешко повреден откако паднал од кровната конструкција на куќа во село Боговиње, Тетовско, додека изведувал градежни работи.

Случајот бил пријавен на 16 август околу 10:30 часот во СВР Тетово од Итната медицинска помош во Тетово.

Од СВР Тетово информираат дека П.Б. (61) од село Брвеница изведувал градежни работи на куќа во сопственост на Н.А. (60) во Боговиње, кога паднал од кровната конструкција.

- Advertisement -

При падот, тој се здобил со тешки телесни повреди. Повредениот бил пренесен во Комплексот клиники „Мајка Тереза“ во Скопје за укажување лекарска помош.

Полицијата извршила увид на местото на настанот, а се преземаат мерки за целосно расчистување на случајот.