Автомобил излетал од патот кај Ласкарци, три лица тешко повредени

Три лица се тешко повредени во нова сообраќајна несреќа во скопското село Ласкарци, место кое јавноста го памети по автобуската трагедија на „Дурмо турс“.

Според медумот Тетова сот, кој се повикува на очевидци, автомобил под засега неразјаснети околности излетал од главниот пат. Возилото завршило на спореден пат во селото.

На местото пристигнале екипи на Итната медицинска помош и полицијата.

- Advertisement -

Засега нема официјални информации за идентитетот и за точната состојба на повредените. Не е позната ниту причината за излетувањето на автомобилот.

Полицијата ги утврдува околностите на несреќата.