ЦУК: Активни се четири пожари, а три се под контрола

Во изминатото деноноќие во земјава се регистрирани вкупно 25 пожари на отворен простор, од кои 4 се активни, 3 се под контрола, а 18 се изгаснати, соопшти Центарот за управување со кризи.Активни пожари има кај с. Моране – с. Вртекица – с. Рамни Габер во општина Студеничани каде што годи мешана шума и кај Видуш, Драгов Дол и Локвица во општина Македонски Брод каде што е запалена ниска вегетација, нискостеблеста шума и грмушки. Активен пожар има и во општините Велес и Зелениково, во атарот на селото С’лп, кој се шири кон селата Карабуњиште Добрино и Тисовица, како и во општините Јегуновце и Сарај, кај селата Копанце и Туденце, кој со проширува кон Бојане.

Под контрола се пожарите кај селата Алданци, Норово, кај Борино и кај Житоше во општина Крушево и на депонијата во Кратово.