СДСМ: Гостивар чека да се вратат сите од екскурзија
Гостивар чека да се вратат сите од екскурзија
По речиси еден месец, Гостивар сè уште чека чиста вода за пиење.
Денеска или ттре можеби ќе има одговор. Можеби и не.
Мицкоски денеска треба да се врати од екскурзијата во Брисел.
Ќе видиме каква боја добил – дали поцрвенел. Клековски е на екскурзија. Нема време за резултати од водата, ќе ги објави дури на 20-ти. Цел месец работи како министер, се уморил. Панче Тошковски се уморил од испитување вода и хиперхлорирање, па и тој замина. Сега Тимчо го заменува во МВР.
Тимчо и Бране Петрушевски во меѓувреме се задолжени за закани, кампањата по модел на Ванчо Михајлов со „талог“ не може да чека. Савевски е на екскурзија, па не може да го најде виновникот за труењето. Иако сите знаат кој е. Но шефот на организираната криминална група не се апси.
Латас работи од екскурзија. Тој и Ивона можат сè онлајн.
А Гостивар? Нека чека.
Мицкоски ниту еднаш не ги посети.
Испрати три цистерни вода за цел град. Со недели ветуваше дека „утре ќе има вода за пиење“. Сега луѓето ја користат како техничка, а никој не дал документ дека е исправна ниту за тоа.
Болницата е отруена. Пациентите се во Тетово. Нека чека Гостивар.
ВМРО мора на море и на одмор.
ЗА НАС
ОhridSky е ваш доверлив извор за сеопфатно и избалансирано покривање на вестите. Со посветеност на интегритет и точност, обезбедуваме длабинско известување кое ги открива приказните што се најважни.
Links
© 2025 OhridSky. Сите права задржани.
