Муцунски за назначувањето на специјален пратеник во ЕУ

Според членот на Владата и шеф на дипломатијата, Тимчо Муцунски, назначувањето на Арбен Фетаи за специјален пратеник во ЕУ е легитимно прашање и јавноста заслужува одговори за тоа зошто екс-вицепремиерот е сега именуван за оваа функција.

– Сакам отворено да зборувме прво кој е Арбен Фетаи. Тој е личност кој своето обрзовние го стекнал во Белгија, ги познава сите официјални јазици на Белгија. Арбен Фетаи не само што ги познава сите официјални јазици на Белгија, туку работел и бил ангажиран од различни и владини и невладини организации токму во Брисел. Има мрежа на контакти кои може да служаат во интерес на државата. Објективно гледано, Арбен Фетаи има двојно државјанство – македонско и белгиско. Ако немаше двојно, веројатно ќе беше идеален кандидат за наш амбасадор во ЕУ. За мене беше и одличен соработник во Владата. Лесно е да се критикува, но добро е да зборуваме и за фактите. Нас ни треба човек таму заради динамиката на активностите. Ќе ѝ служи на државата во овој специфичен период. Тој во својата биографија го исполнува профилот на личноста што ни треба таму – изјави Муцунски во гостување на Канал 5.

Според Муцунски, тврдењата дека Фетаи не доаѓал на работа се паушални и не се врз основа на точни информации.