ЏЕНИФЕР АНИСТОН УЖИВА НА МАЈОРКА СО НАЈБЛИСКИТЕ ПРИЈАТЕЛИ

Џенифер Анистон летово го поминува на сончевата Мајорка, а друштво ѝ прават некои од најважните луѓе во нејзиниот живот. Ѕвездата на серијата „Friends“ беше фотографирана на луксузна јахта во близина на шпанскиот остров заедно со својата долгогодишна пријателка Кортни Кокс, актерот Педро Паскал и нејзиниот партнер Џим Кертис. Фотографиите брзо го обиколија светот и предизвикаа голем интерес кај обожавателите.

Групата пристигнала во Палма де Мајорка, а потоа се качила на луксузната јахта „Rising Sun“, една од најпознатите приватни јахти во светот. На фотографиите може да се види како Анистон ужива во сонцето, вежба, вози педалинка по морето и се релаксира во друштво на своите пријатели.

Особено внимание привлече присуството на Педро Паскал, кој во последните години важи за еден од најпопуларните актери во Холивуд. Иако во минатото имаше шпекулации за можно зближување меѓу него и Анистон, фотографиите од Мајорка покажуваат пријателска атмосфера во која централно место има и Џим Кертис, партнерот на актерката.

- Advertisement -

За Џенифер ова не е прво летување на Мајорка. Токму од шпанскиот остров минатата година потекнаа и првите гласини за нејзината врска со Џим Кертис, автор и мотивациски говорник со кого денес, според блиски извори, е посреќна од кога било. Нивната врска постепено се развивала од пријателство во романса, далеку од очите на јавноста.

Од друга страна, пријателството меѓу Џенифер Анистон и Кортни Кокс останува едно од најцврстите во Холивуд. И повеќе од две децении по завршувањето на серијата „Friends“, двете актерки редовно поминуваат време заедно, а нивната блискост често ги воодушевува фановите ширум светот.