Од полноќ поскапуваат нафтените деривати

Регулаторната комисија за енергетика (РКЕ) на денешната седница ги зголеми малопродажните цени на нафтените деривати во просек за 4,55%.

Според оваа одлука од полноќ малопродажните цени на бензините се зголемуваат за 3 денари по литар, на дизелот  за 4,50 денари по литар, додека пак, цената на екстра лесното масло за домаќинство се зголемува за 5,00 денари по литар. Исто така се зголемува и ценат на Мазутот за 2,726 денари по килограм.

Регулаторна соопшти дека референтните цени на нафтените деривати на светскиот пазар во споредба со претходната пресметка бележат зголемување и тоа во просек: кај бензините за 6,229%, кај дизелот за 7,442%, кај екстра лесното масло за 8,051%  и кај мазутот зголемувањето е за 8,159%.

- Advertisement -

Курсот на денарот во однос на доларот во изминатиот период по кој беа формирани цените со претходната пресметка е понизок за 0,0397%.

Од 00.01 часот цени на  нафтените деривати ќе изнесуваат:

Моторен бензин          ЕУРОСУПЕР БС – 95                         93,00  (денари/литар)

Моторен бензин          ЕУРОСУПЕР БС – 98                         95,00  (денари/литар)

Дизел гориво                ЕУРОДИЗЕЛ БС (Д-Е V)                  98,50  (денари/литар)

Масло за горење           Екстра лесно 1 (ЕЛ-1)                       98,00  (денари/литар)

Мазут М-1 НС                                                                                48,099 (денари/килограм)