Италијанската полиција заплени повеќе од 2,6 тони кокаин на ултрабрз прекуокеански брод

Италијанската полиција во понеделник соопшти дека запленила повеќе од 2,6 тони кокаин, со проценета улична вредност од 500 милиони евра, во Атлантскиот Океан покрај брегот на Португалија.

Дрогата е пронајдена на ултрабрз прекуокеански надувувачки брод, кој шверцерите обично го користат за да преземат нелегален товар фрлен во морето од големи бродови што пристигнуваат од Јужна Америка, соопшти италијанската царинска и гранична полиција, објави Ројтерс.

Уапсени се четири лица на бродот – двајца Шпанци, еден државјанин на Гибралтар и еден Албанец што живее во Италија.

- Advertisement -

Операцијата е спроведена во соработка со шпанските и португалските власти, а италијанските обвинители во северниот град Бреша ја координираа истрагата.

„Вредноста на кокаинот на големо се проценува на приближно 78 милиони евра. Откако ќе биде доставен до неговата дестинација и разреден за малопродажба, наркотиците можеле да генерираат вкупен приход од околу 500 милиони евра“, се вели во соопштението.