Црна Гора денес го одбележува 13 јули, Денот на државноста

Црна Гора денес го одбележува 13 јули, Денот на државноста, во спомен на два историски настани што ја одбележаа нејзината државност и антифашистичка традиција.

На тој датум во 1878 година, на Берлинскиот конгрес, Црна Гора доби меѓународно признание како независна држава, додека на 13 јули 1941 година избувна востанието од 13 јули, едно од првите организирани вооружени востанија против фашистичката окупација во поробена Европа за време на Втората светска војна.

Денот на државноста е еден од најважните национални празници во Црна Гора и се одбележува со свечени церемонии, положување венци на спомен-обележјата и други настани низ целата земја.

- Advertisement -

По повод празникот, државните функционери им упатија честитки на граѓаните, нагласувајќи ја важноста на зачувувањето на државноста, демократските вредности и европскиот пат на Црна Гора.