Лекот фостер од први август ќе биде достапен без доплата, со партиципација од 280 денари

Лекот фостер од први август ќе биде достапен без доплата, со партиципација од 280 денари. Но, оваа цена ќе важи откако ќе се потрошат веќе постојните количини на лекот во аптеките чија цена сега е 1.081 денар.

Во меѓувреме од Фондот за здравство тврдат дека замената на Фостер, „блоцета“ е веќе достапна во аптеките без доплата.

По ставањето на нови лекови на позитивната листа, дел од граѓаните поднеле претставки до Фондот за некои од аптеките кои не им ги давале лековите со рецепт туку само на приватно. Директорот на Фондот рече дека токму поради тоа, од 8 јули се почнати и контроли во аптеките.

- Advertisement -

Клековски тврди дека преку воведување на нови лекови на позитивната листа, но и конкуренција преку генерички лекови очекува да се влијае врз намалување на цените.

Претходно проблем имаше и со издавањето клексани кои од први јули се ставени на позитивната листа – за што фондот најави дека системот за рефундација ќе остане да важи до 15 јули.