Починат дилер: Проголтал кокаин за да го скрие од полицијата, починал на пат кон охридската болница

Синоќа, на влезот на Охрид, во близина на бензинската пумпа „Окта”, припадници на Охридската криминалистичка полиција, одделение за сузбивање на наркотици, застанале џип со српски регистарски ознаки во кој се наоѓале две лица од Охрид.

Едно од лицата, С.П. од Охрид, во моментот на постапката проголтало неколку пакувања (дози) со опојна дрога кокаин, обидувајќи се на тој начин да ја прикрие дрогата од полицијата. С.П. наскоро почувствувал влошување на здравствената состојба, а на пат кон Охридската болница починал од предозирање.

Двете лица биле добро познати на охридската полиција, при што за инцидентот веднаш била известена и надлежната обвинителска служба.

- Advertisement -

Полицијата продолжува со процесуирање на случајот, а се очекуваат дополнителни детали за околностите под кои се случил трагичниот настан.