Македонската тенисерка Лина Ѓорческа се чувствува одлично и подготвено пред мечот на ланската финалистка на Вимблдон, Амана Анисимова

Македонската тенисерка Лина Ѓорческа се чувствува одлично и подготвено пред мечот на ланската финалистка на Вимблдон, Амана Анисимова, вели тренерот на Ѓорческа за „Мундокаст“ на 4news.

– Мислам дека еуфоријата повеќе се чувствува таму во Македонија, во сите медиуми и портали. Кај нас тој прв бран на емоции по пласманот во главниот турнир веќе помина. Влезени сме во нормален процес на тренирање и подготовки за мечот кој следи. Лина се чувствува одлично, здравствено е сè супер и сè е подредено на тој настап – изјави Димитар Лабудовиќ ексклузивно за „Мундокаст“ велејќи дека со 3 меча зад себе Лина е навикната на условите.

Ѓорческа која стана првата Македонка која ќе учествува во главната ждрепка на еден гренслем турнир – легендарниот Вимблдон. Таа го оствари својот сон. Со убедлива победа во квалификациите обезбеди пласман на најпрестижниот гренслем во светот.

- Advertisement -

Осврнувајќи се на досегашниот успех на Лина,  Лабудовиќ вели дека и не треба да има притисок за претстојниот меч.

– На крајот од денот, притисок не треба да има. Лина нè стави на светската тениска мапа, сите сме зад неа, па нека му ја мисли Анисимова -самоуверено порача тренерот и ипрати силна порака да се вреднуваат и поддржуваат македонските спортисти, а не само „да ги тапкаме спортистите по рамо“.