Џејн Сејмур се сврши на 75 години и сподели детали од урнебесната просидба

Актерката Џејн Сејмур (75) се сврши со музичарот Џон Замбети (78) по три години врска.

Ѕвездата од серијата „Dr. Quinn, Medicine Woman“ ја откри среќната вест на церемонијата за воведување во Куќата на славните текстописци.

– Некој одлучи дека сака да биде со мене до крајот на животот. Мојот кантавтор – изјави актерката за Us Weekly, гордо покажувајќи го својот веренички прстен.

- Advertisement -

Таа додаде дека е особено среќна што ги гледа нивните семејства како се обединуваат бидејќи делат заедничка љубов кон музиката.

– Заедно сме веќе три години и во нашата куќа нема ништо друго освен музика. Тој е кантавтор, неговиот син е кантавтор, а и мојот син се занимава со пишување песни – рече Сејмур.

Љубов во осмата деценија од животот

Сејмур е мажена четири пати. Таа беше во брак со режисерот Мајкл Атенборо, авторот Џефри Планер, бизнис менаџерот Дејвид Флин и актерот Џејмс Кич.
Таа првпат јавно ја потврди својата врска со Замбети, кој е член на „The Malibooz“ од 1960-тите, во октомври 2023. Таа откри дека ги запознале нивните деца на концерт на музичарот Швајзи.

Покрај заедничката фотографија напиша: „Никогаш не сум била посреќна. Никогаш не помислив дека ќе најдам љубов како оваа“.

Во едно претходно интервју, актерката призна дека не очекувала да најде сериозна и стабилна врска на оваа возраст.

– Никогаш не помислив дека ќе најдам толку посветена, здрава, љубовна врска, но сум толку благодарна што се случи тоан – рече таа и додаде дека верува дека таа и Замбети се запознале во вистинско време.

– И двајцата поминавме низ многу, имавме семејства, деца, внуци, кариери, подеми и падови. Знаете точно што сакате. Сметаме дека сме неверојатно среќни што сега се најдовме, бидејќи веројатно немаше да функционира порано – рече таа.

Актерката објасни дека пред да се запознаат, имале сосема различни животи.

– Неговиот свет биле медицината и музичките турнеи, а мојот беше снимање низ целиот свет. Мислам дека се запознавме во совршено време – заклучи Сејмур.

Хаотично запросување

Џон Замбети го опиша моментот на запросувањето, кој наместо да биде чиста романса, се претвори во вистинска комедија.

– Се ближеше нејзиниот роденден. Всушност, беше Свети Валентин, денот пред нејзиниот роденден. Помислив: „Ова е лудо, ќе го направам тоа“, се присети тој за „Пипл“.

– Клекнав на едно колено, сè како што треба. Го имав прстенот во сефот, го извадив и ја отворив кутијата, а прстенот испадна и заврши под креветот – вели тој.

Ситуацијата брзо станала уште похаотична.

– Морав да се протнам под креветот за да го најдам, а потоа не можев да излезам. Џејн мораше да стане и да ми помогне.

– А дури и немавме облека – додава Сејмур, дополнително илустрирајќи ја ситуацијата.

– Косата ни беше целосно разбушавена, но најсмешното беше што тој не можеше да стане по сето тоа. Коленото му се заглави под креветот, а јас не бев доволно силна да го кренам бидејќи е речиси двојно потежок од мене. Се погледнавме и почнавме неконтролирано да се смееме – рече таа.

Иако признава дека имала претчувство дека Замбети еден ден може да ѝ предложи брак, таа била изненадена од моментот кога тој го направил тоа.