Шакира беше главна ѕвезда на спектакуларната церемонија на отворањето на Светското првенство во Мексико Сити, каде што ја изведе новата официјална песна на турнирот пред десетици илјади фанови

Шакира беше главна ѕвезда на спектакуларната церемонија на отворањето на Светското првенство во Мексико Сити, каде што ја изведе новата официјална песна на турнирот пред десетици илјади фанови. Но, шоуто не заврши за Шакира кога ја напушти сцената. По настапот, таа продолжи да ужива во атмосферата на стадионот, а додека го напушташе теренот застана неколку пати за да танцува, прво сама, а потоа и со својот брат Тонино Мебарак кој со години е дел од нејзиниот тим како менаџер и близок соработник.

Снимките направени од гледачите брзо се проширија на социјалните мрежи и ја покажаа пејачката во добро расположение како танцува сама, но и со луѓе од нејзината придружба. Иако нејзиниот престој на теренот не ги воодушеви членовите на протоколарната служба, кои се обидуваа да ја забрзаат во неколку наврати, Шакира не им обрна многу внимание. Наместо тоа, таа продолжи да ужива во моментот и да ги поздравува собраните фанови.

- Advertisement -

На крајот таа го напушти теренот со свое темпо, уште еднаш демонстрирајќи ја спонтаноста и енергијата што ја направија омилена кај публиката ширум светот. Нејзиното опуштено однесување по настапот многумина го сметаа за уште еден доказ за тоа колку ужива во секоја средба со публиката, особено кога станува збор за големи фудбалски настани.