Маж ја пријавил неговата сопруга дека ги оставала нивните малолетни деца да спијат во нејзиното возило додека одела на работа. При проверка, полицијата ги нашла децата во кола и ги предала на таткото

На ова му претходел службен разговор со таткото В.С.(40) од струшко село, кој бил пријавен во полиција дека физички го нападнал неговиот малолетен син. Службениот разговор бил извршен на 08.06.2026 во ОВР Струга.

На 09.06.2026 во 00:03 часот во ОВР Струга, В.С. пријавил дека неговата сопруга Н.С.(41) ги оставала нивните малолетни деца да спијат во нејзиното возило додека одела на работа. По овластување на јавен обвинител, полициски службеници презеле мерки и во паркираното возило на земјен паркинг на улицата Владо Малески ги затекнале децата како спијат.