Бесплатниот настап пред илјадници луѓе стана жешка тема на социјалните мрежи
Легендарната пејачка ги изненади обожавателите со бесплатен настап на Тајмс Сквер, а еден момент од концертот стана вирален и ги преплави социјалните мрежи.
За време на настапот, 67-годишната музичка икона се приближи до самиот раб на сцената и ја префрли ногата преку заштитната ограда, предизвикувајќи воодушевување кај публиката собрана под сцената.
Снимките од тој момент брзо се проширија низ интернет, а бројни корисници коментираа дека Мадона сè уште не го изгубила статусот на една од најпровокативните и најхаризматичните ѕвезди во светот на забавата.
Изненадувачкиот настап беше организиран по повод Месецот на гордоста, но и за промоција на нејзиниот нов албум „Confessions II“, кој е продолжение на едно од нејзините најуспешни изданија, албумот Confessions on a Dance Floor од 2005 година.
Публиката уживаше во нејзините изведби на хитови како „Hung Up“ и „I Love New York“, како и во новите песни од нејзиниот претстоен албум.
Но додека многумина ја пофалија за нејзината енергија и самодоверба, имаше и такви кои сметаа дека треба да го промени својот пристап.
– Мадона продолжува да ја тресе сцената. Помладите изведувачи можат само да посакаат таква долговечност – напиша еден корисник. Други ѝ рекоа дека сè уште изгледа како вистинска ѕвезда, но не беа сите воодушевени.
Некои коментираа дека премногу се труди да го одржи имиџот што го имаше во помладите денови.
– Тажно е да се види како очајно се обидува да ја врати младоста – напиша еден, а друг рече:
Некои, исто така, изразија загриженост за самиот потег на сцената, забележувајќи дека ставањето на ногата преку оградата можело да заврши со несреќа. Тие коментираа дека е премногу стара за такви егзибиции, ама ние би рекле – ако може Мик Џегер на 80 години да рипа по два саати на сцена, зошто да не може Мадона?!
ЗА НАС
ОhridSky е ваш доверлив извор за сеопфатно и избалансирано покривање на вестите. Со посветеност на интегритет и точност, обезбедуваме длабинско известување кое ги открива приказните што се најважни.
Links
© 2025 OhridSky. Сите права задржани.
