ИЗГАСНАТ Е ПОЖАРОТ ВО ТЕКСТИЛНАТА ФАБРИКА ВО РАДОВИШ

Изгаснат е пожар што синоќа избувна во објект на поранешна текстилна фабрика во Радовиш, информираат од  радовишката Противпожарна единица.

Во пожарот беа зафатени производствен погон, магацински простор и дел од машините.

Според радовишките пожарникари во магацинот имало запаливи материјали поради што истиот брзо се проширил, но со брза и навремена реакција на пожарникарите, пожарот е ставен под контрола и е целосно изгаснат.

- Advertisement -

– И покрај тешките услови на терен пожарникарите вложија значителни напори за да се спречи понатамошно ширење на огнот, како и да се заштитат околните објекти и имот- информираат од  ТППЕ Радовиш.

Во гасењето на пожарот учествувале и екипи на противпожарните единици Струмица и Мантово.

Причините за избувнувањето на пожарот засега не се познати и дополнително ќе се утврдуваат.