„САКАМ ДА РАБОТАМ” , ИЛИ САКАМ ДА МАНИПУЛИРАМ?

Кој стои зад „здружението” и зошто новиот Закон за игри на среќа мора да се донесе.

Во изминатите денови јавноста повторно е изложена на организирана кампања на наводното здружение „Сакам да работам”, кое со предупредувачки протести се обидува да го блокира новиот Предлог закон за игри на среќа. Но, прашањето кое секој граѓанин треба да си го постави е едноставно: кој навистина стои зад ова здружение и во чија корист зборува?

Одговорот не е никаква тајна. „Сакам да работам” е директен глас на приредувачите на игри на среќа , сопствениците на кладилници, слот-апаратници и казина. Ова не е синдикат на вработени, туку лоби-алатка на индустријата за коцкање, облечена во работнички дрес. Вработените се само заштитен штит зад кој се кријат нивните вистински интереси.

- Advertisement -

ЛАГАТА БР. 1: „Ќе останат без работа 10.000 луѓе”

Здружението тврди дека со новиот закон „најмалку 10.000 луѓе ќе останат без работа и ќе се создадат 35.000 нови кандидати за иселување од Македонија.”

Ова е чиста манипулација со бројки. Реалноста е поразлична: сите компании во секторот , од кладилници до слот-апарати , вкупно бројат не повеќе од 2.500 вработени. Бројката „10.000″ е измислена со цел да предизвика паника и емоционален притисок врз пратениците.

А уште поважно: дури и да се затворат одредени локации, истите фирми ќе отворат нови на дозволени места , и повторно ќе им требаат работници. Работните места не исчезнуваат, тие само се преместуваат. Со тоа лагата за масовна невработеност целосно се разобличува сама по себе.

ЛАГАТА БР. 2: „Не сме консултирани”

Здружението одговорно тврди дека „не биле консултирани за предлогот на Владата, ниту биле запознаени со неговата содржина.”

Ова е особено лицемерно тврдење. Дебатата за нов закон за игри на среќа трае со години. Приредувачите на игри на среќа , кои го финансираат ова „здружение” , беа активни учесници во јавните расправи и имаа повеќе можности да ги изнесат своите ставови. Сега, во последен момент, тврдат дека „не знаеле” , со единствена цел: да го одложат и блокираат законот.

ЗОШТО НОВИОТ ЗАКОН Е НЕОПХОДЕН

Македонија е преплавена со игри на среќа. Кладилници и слот-апарати се отворени на секој агол, во непосредна близина на училишта, пазари и станбени блокови. Последиците по младите, по семејствата и по општеството се видливи и мерливи.

Новиот Предлог закон, за кој премиерот Мицкоски изјави дека „Македонија нема да наликува на Лас Вегас”, воведува задолжителни дистанци на објектите од чувствителни локации. Ова е основна мерка за заштита на јавното здравје и не е никаква иновација , слични регулативи постојат низ цела Европа.

Ако некогаш се прашувате зошто оваа индустрија се брани толку жестоко , одговорот е паричниот тек. Игрите на среќа генерираат огромен профит, а секое ограничување директно го загрозува тој профит. Вработените се само параван.

РЕДАКЦИСКИ СТАВ

Ако редакцијата смее да биде директна: сите до едно , кладилници, слот-апаратници, казина на рамни површини , треба да бидат строго регулирани, а нивната концентрација по населби и градови драстично намалена. Ниедна земја која сериозно се грижи за своите граѓани не дозволува коцкарница на секој агол.

„Сакам да работам” нека ги претставува вработените , но нека не ги претставува нивните работодавци кои сакаат да продолжат да профитираат на грбот на зависноста. Пратениците треба да го гласаат законот. Македонија заслужува поинаков избор.

Сашо Денесовски -Охридскај