Дрниш уште трепери по 24-часовната полициска опсада

Рано утринава, во 6.20 часот, е уапсен 50-годишникот кој уби доставувач на пица во Дрниш во Хрватска. Хрватските медуми пренесуватат дека градот е под полициска опсада од саботата навечер во 23 часот.

Поради претресот, сите влезови и излези во градот беа затворени, а граѓаните беа повикани да не ги напуштаат своите домови.

Училиштата и градинките остануваат затворени

- Advertisement -

Иако сторителот на убиството, по кого се трагаше од саботата навечер, е уапсен, одлуката за затворање на часови и градинки во Дрниш останува на сила, објави градот.

Според неофицијални информации, Алексиќ бил уапсен во близина на семејниот дом, пишува хрватски Индекс. Полицијата утрово објави дека тој е однесен во полициската станица за тековна кривична истрага.

Ранец со храна, автоматска пушка и план за бегство

Кристијан Алексиќ се сомничи за убиство на 19-годишен доставувач на пица. Се смета дека испукал неколку истрели од огнено оружје кон младиот човек на терасата од неговата куќа. Според неофицијални информации, убиениот млад човек ја презел доставата таа вечер наместо колега кој се плашел да оди на адресата на Алексиќ.

Соседите рекле дека по пукањето го виделе Алексиќ како бега со автоматска пушка носејќи ранец полн со храна. Една од сосетките рекла дека забележала камион за достава со отворена врата на улицата, а потоа и осомничениот како трча. Нејзиниот сопруг го повикал да застане, но тој избегал. Дури тогаш слушнала тешко дишење од терасата и сфатила дека некој е ранет.

Алексиќ веќе бил осуден за убиство, имал список

Кој е осомничениот? Кристијан Алексиќ (50) е веќе им е познат на полицијата и судството во Хрватска. На почетокот на 2000-тите, тој беше осуден за тешко убиство на 24-годишно девојче. Во април 2023 година, по претресот на неговиот стан, полицијата конфискуваше импровизирано огнено оружје и муниција, а против него беше поднесено обвинение, но судењето сè уште не започна.

Мештаните тврдат дека кај него е пронајден и список со 12 имиња на жени што наводно планирал да ги убие.

Специјална полиција, хеликоптери, дронови

Специјална полиција, хеликоптери и беспилотни летала се вклучени во потрагата по вооружениот бегалец, а на сите влезови и излези од Дрниш беа поставени контролни пунктови, каде што полицајци со долги пушки го претресуваа секое возило. Полицијата ги предупреди граѓаните да останат во затворен простор, да ги спуштат ролетните и да не излегуваат надвор.

Го барале под дрво, камен и во старски дом

Поради вонредната состојба, наставата во основните и средните училишта беше откажана во понеделник, а градинката исто така беше затворена. Во текот на неделата, полицијата дејствуваше по пријави од граѓани.

Околу 18:30 часот, специјалните сили го опколија градилиштето на нов дом за стари лица и лица со посебни потреби поради сомневања дека Алексиќ се крие таму, но по детална потрага, бегалецот не беше пронајден.

Началникот на полицијата Никола Милина потврди дека полицијата добила околу десетина пријави за можните движења на осомничениот и дека потрагата е во тек и во шумите на планината Промина.