САНДРА БУЛОК СПОДЕЛИ ФОТОГРАФИЈА ОД ДЕЦАТА
Актерката Сандра Булок (61) објави серија фотографии на Инстаграм по повод Денот на мајката (10.мај), вклучувајќи една на која позира со својот сега 16-годишен син Луис и 11-годишната ќерка Лајла, кои ги посвоила во своите 40-ти години.
– До сите мајки, без оглед на тоа како сте станале тоа, среќен Ден на мајките. Сите нас нѝ поврзува таа животна чест – напиша Булок во описот.
На една од фотографиите, Булок гледа кон небото додека нејзините деца, тогаш сè уште мали, седат во нејзиниот скут, облечени во костими за Ноќта на вештерките.
Покрај претходно невидената семејна фотографија, ѕвездата сподели и фотографија од себе како разговара со својата покојна мајка Хелга Мајер, како и уште една стара фотографија на снег, на која нејзината мајка ги држи неа и нејзината сестра Гесин Булок-Прадо кога биле мали девојчиња.
– Мамо и Оми, ви благодарам што ме учевте. Ни недостигате. Извинете што бев такво детиште – додаде таа во описот.
Според People, иако генерално го држи својот семеен живот подалеку од очите на јавноста, актерката претходно изјавила дека посвојувањето деца подоцна во животот дошло во совршено време за неа и нејзиното семејство.
– Не знам зошто беше вистинско време, но мило ми е што универзумот ме натера да чекам – рече таа во Red Table Talk во 2022 година.
– Ме пушти да чекам, иако бев нетрпелива и нервозна, а ми порача: „Не, нема да го направиш тоа онака како што си замислувала.“
Потсетувајќи се на времето пред да ја посвои Лајла, Булок призна за списанието People во 2020 година дека ја исплашила и самата помисла да има ќерка.
Мајка ми секогаш велеше: „Само почекај додека не добиеш ќерка“.
– Помислата дека мојата ќерка може да биде како мене ме ужаснуваше – објасни таа во тоа време.
– Пред да почине мајка ми, имавме еден момент покрај нејзиниот кревет. Бев целосно затворена во себе и се обидував да не заплачам, а таа само рече: „Не биди како мене“.
Тој момент објасни многу од нашиот заеднички живот. Таа не сакаше да го поминувам животот затворена, плашејќи се од чувствата. Па, животот се погрижи сега да чувствувам сè и не се срамам да го признаам тоа – рече актерката.
Булок се пошегува за одгледувањето на сопствената ќерка: „Ако Лајла ми врати со иста мера, ќе знам дека сè е дело на Хелга Б. и дека таа од горе се смее до солзи. Јас сум целосно подготвена за тоа возење“.
ЗА НАС
ОhridSky е ваш доверлив извор за сеопфатно и избалансирано покривање на вестите. Со посветеност на интегритет и точност, обезбедуваме длабинско известување кое ги открива приказните што се најважни.
Links
© 2025 OhridSky. Сите права задржани.
