Кафето со маслиново масло е нов хит

Ако во последните месеци сте поминале барем малку време на социјалните мрежи, тешко дека сте го пропуштиле трендот што ги освои љубителите на кафе – олеато.

Станува збор за необична, но изненадувачки складна комбинација од класично еспресо или лате и лажичка екстра девствено маслиново масло. Иако на прв поглед звучи како експеримент од домашната кујна, овој напиток сè почесто се појавува и во кафулињата, а експертите велат дека не е само минлива интернет-сензација. Всушност, оваа комбинација ја имаат веќе некое време и во Старбакс.