Раководството на „Луфтханза“ нареди итно замрзнување на вработувањето во голем дел од администрацијата како една од мерките за штедење

Раководството на „Луфтханза“ нареди итно замрзнување на вработувањето во голем дел од администрацијата како една од мерките за штедење.

Според оваа мерка не е дозволено вработувањето надворешни работници во неоперативни области, а слободните работни места можат да се пополнат само со одобрение од вишиот менаџмент, пишува „Авио Прес“.

Сите мерки важат за подружниците на „Аустриан ерлајнс“, „Брусел ерлајнс“, „Еделвајс“, „Луфтханза“ и „Свис“.

- Advertisement -

Групацијата „Луфтханза“ исто така значително го затегнува ременот во однос на деловните патувања. Летовите на кратки релации се дозволени само, ако не е потребен престој со ноќевање.

Летовите на долги релации за состаноци се забранети. Исклучоците мора да бидат одобрени од Извршниот одбор на Групацијата.

Внатрешно, компанијата планира да премине на виртуелни состаноци.