Премиерот Мицкоски најави нови мерки за контрола на цените на прехранбените производи

Премиерот Христијан Мицкоски денеска најави нови мерки за контрола на цените на прехранбените производи.

Мицкоски рече дека на првата седница по Велигден владата ќе донесе нови мерки кои ќе бидат таргетирани, но повтори дека владата прави анализа и е претпазлива во носењето на решенијата бидејќи не се знае колку ќе трае кризата.

– Следните  мерки на владата ќе бидат потергетирани и ќе се однесуваат на одредени групи на граѓани и на одредени производи главно основни прехранбени производи. Тие ќе бидат комбинирани со  намалување на ДДВ-то и со ограничување на профитната маржа- рече Мицкоски.

- Advertisement -

Тој рече дека на мерките им претходи анализа пред да се направи потегот, и какви мерки ќе бидат потребни.

Мицкоски рече дека за март очекува инфлација која ќе се движи меѓу 4 и 5 %.