Воз излета од шините во Русија, најмалку 22 повредени

Воз излета од шините во рускиот регион Улјановск, околу 800 километри источно од Москва. Според регионалните власти, најмалку 22 лица се повредени, но нема жртви, јавува француската новинска агенција АФП. Причината за несреќата засега останува непозната.

Воз на пат од градот Чељабинск до Москва излета од шините во рускиот регион Улјановск, изјави гувернерот на регионот Улјановск, Алексеј Руских, според АФП.

Седум вагони излетаа од шините и се превртеа, при што беа повредени најмалку 22 лица. Според првичните извештаи, најмалку двајца патници се здобиле со фрактури, најмалку едно дете е меѓу повредените, а нема жртви, според досега познатите информации.

- Advertisement -

Причината за железничката несреќа, во која патувале нешто повеќе од 400 патници, останува непозната. Властите започнаа истрага за да утврдат дали имало прекршувања на прописите за безбедност и работа на железницата.