ВЛАДАТА АНАЛИЗИРА ДАЛИ ИМА ОСНОВ ЗА ПОСКАПУВАЊЕ НА ЛЕБОТ

Премиерот Христијан Мицкоски најави дека Владата ќе ја анализира состојбата со цената на лебот и ќе преземе мерки доколку се утврди дека има неоправдано зголемување, посочувајќи дека во спротивно ќе следуваат санкции. Изјавата доаѓа по најавата на дел од пекарниците во неколку града за поскапување на лебот.

-Ја анализираме состојбата и денеска во текот на денот ќе имам состанок на оваа тема. Ќе го видиме инпутот и да видиме дали врз основа на тој инпут којшто тие го декларираат навистина има потреба од такво зголемување. Доколку има потреба, тогаш ќе кажеме да има потреба и ќе преземеме мерки, а доколку нема потреба, тогаш тие коишто девијантно и непазарно се однесуваат ќе бидат изречени глоби – рече Мицкоски.