Расистичкото однесување на навивачите не помина без санкции

Топ Вести - Слушај сега

Реал Мадрид се соочува со казни од УЕФА поради расистичкото однесување на навивачите за време на дуелот со Барселона во Лигата на шампионите.

- Advertisement -

Дисциплинската комисија на европската фудбалска асоцијација одлучи дека клубот ќе мора да плати парична казна од 15.000 евра. Дополнително, долниот дел од јужната трибина на стадионот „Сантијаго Бернабеу“, кој има околу 500 седишта, ќе биде затворен – но само доколку се повтори слично однесување на некој натпревар организиран од УЕФА.

За претстојниот дуел од осминафиналето против Манчестер Сити, затворањето на трибината нема да се применува, што значи дека навивачите ќе можат да ги следат своите миленици без ограничувања.

Ова е уште еден потсетник дека расизмот нема место на фудбалските терени, а клубовите мора да преземат мерки за да го спречат и санкционираат ваквото однесување.