Поради технички причини денешната конститутивна седница на работната група за реформи во изборното законодавство е одложена за следната недела

Топ Вести - Слушај сега

Поради технички причини денешната конститутивна седница на работната група за реформи во изборното законодавство е одложена за следната недела, информира Министерството за правда.

- Advertisement -

Министерот за правда Игор Филков изјави дека членовите на работната група не се впуштиле во материјална расправа, затоа што прво треба да се утврди дневниот ред.

– Иако денеска требаше да биде одржана првата конститутивна седница на работната група за реформи во изборно законодавство на која требаше да се избере претседател како и да се донесе предлог-деловник за утврдување на методологијата и динамиката на работење, сепак тоа не се случи поради одредени јазични бариери. Дел од присутните претставници на политичките партии побараа материјалите да бидат преведени за полесно да можат да се разберат – рече министерот Филков.

Министерот за правда Игор Филков се надева дека следната недела членовите ќе се усогласат за термин, ќе се избере претседател на работната група и ќе се почне со работа и сите ќе имаат можност да ги дадат своите предлози и сугестии за реформите во изборното законодавство.