Меколи Калкин и Бренда Сонг го користат најзначајниот филм на Калкин во своја корист додека се грижат за своите два сина

Топ Вести - Слушај сега

Меколи Калкин и Бренда Сонг го користат најзначајниот филм на Калкин во своја корист додека се грижат за своите два сина.

- Advertisement -

Сонг (37), неодамна сподели како таа и Калкин (45) им го покажале на своите синови, Карсон (3) и Дакота(4), хит филмот на Калкин „Сам дома“. Но, наместо да им кажуваат на своите момчиња дека нивниот татко е ѕвезда, филмот им служи како важна лекција за „опасноста од странци“.

Сонг изјавила за E! News дека иако двете деца од предучилишна возраст уживаат во „шегите“ на филмот и неговите сложени „стапици“, тие „немаат вистинска претстава“ за опасноста за која станува збор во филмот. Таа забележала дека нивниот постар син, Дакота, „ја разбира опасноста повеќе“ од Карсон.

Се сетила дека откако завршиле со гледањето на филмот, се свртела кон своите момчиња и рекла: „Видете, вашата мајка е тука веднаш до вас. Сакате ли да ме прегрнете? Не си заминав“.

– Толку сум ужасна, но чувствувам дека децата мора да бидат малку исплашени. Стравот е многу важен – изјавила таа за E! News.
Мајката на две деца, исто така, работи со своите синови на учење за нивната околина и „ги учи за знаците за излез“.

– Каде и да одиме, велам: „Како да се вратиме дома?“

Во секој објект во кој влегуваме, велам: „Како стигнавме тука? Како да излеземе?“

Но, актерката од „Операција Тако“, признала дека нејзиниот сопруг мисли дека е „апсолутно луда околу тоа“.

– Јас им велам: „Не е важно дали се нечии родители. Ако не го знаете нивното име или никогаш порано не сте ги виделе во нашата куќа, тие се странци – споделила таа.

Во ноември 2025 година, Калкин ја прослави 35-годишнината од филмот и откри дека и покрај тоа што „често“ го гледале филмот со своите синови, тие сè уште не ја направиле врската дека Кевин е Калкин на 10-годишна возраст.

Забележал дека Дакота почнал да ги составува работите. Го прашал Калкин за неговите браќа и сестри, а Калкин му покажал на синот стара семејна фотографија од сите седум негови браќа и сестри.

– Тој веднаш ме погледна и рече: „Тоа дете личи на Кевин.“

Калкин решил брзо да премине преку таа примедба и забележал дека Дакота исто така мисли дека тој самиот е Кевин.

– Се сеќаваш ли кога ги избрка крадците? А тој одговори: „Да.“ Како се лизгаш по скалите? „Секако.“ Јас му реков: „Лажливец! Тоа бев јас“, раскажал Меколи за разговорот меѓу нив.