Бегалката од Украина Катерина Товмаш (21)  и нејзиниот 28-годишен партнер биле убиени на 4 февруари во Северна Каролина, САД

Топ Вести - Слушај сега

Бегалката од Украина Катерина Товмаш (21)  и нејзиниот 28-годишен партнер биле убиени на 4 февруари во Северна Каролина, САД. Трагедијата се случила во семејниот дом, според локалната полиција и братот на жртвата, Михаил Товмаш, објавија украинските медиуми.

- Advertisement -

Според истрагата, осомничен е 25-годишниот Кејлеб Хајден Фосно, поранешно момче на убиената девојка. Се верува дека тој допатувал од Охајо, возел 6 часа, и провалил во куќата на жртвите во текот на ноќта. Најмладите деца во семејството биле во куќата за време на злосторството: две сестри на училишна возраст и нивниот шестгодишен брат.

Полицијата вели дека мажот ги разбудил децата и го принудил момчето да го однесе во собата на неговата сестра, каде што испукал неколку куршуми. Катерина Товмаш и нејзиниот партнер  починале на местото на настанот. Убиеното момче Метју Вејд бил војник.

Осомничениот избегал по злосторството, но подоцна бил уапсен. Обвинет е за провала и за двојно убиство.

Катерина Товмаш е по потекло од Била Церква и живеела во Соединетите Американски Држави околу две години.

„Бегалка која избегала од војната во Украина барајќи безбедност во САД е убиена во својот дом во Северна Каролина. Ова е втор пат во изминатата година маж да убие Украинка која побарала засолниште во таа држава“, објави на социјалните мрежи братот на жртвата, Михаило.

Во август минатата година, Украинката Ирина Заруцка беше убиена во воз во Северна Каролина.