Поп-ѕвездата Бритни Спирс ги продала правата за целиот свој музички каталог

Топ Вести - Слушај сега

Поп-ѕвездата Бритни Спирс ги продала правата за целиот свој музички каталог, дознава Би-Би-Си.

- Advertisement -

Наводно, 44-годишната поп-ѕвезда ги продала правата за целиот свој музички каталог на независниот музички издавач Primary Wave на 30 декември за околу 200 милиони долари (146 милиони фунти).

Пејачката која долги години беше под старателство на нејзиниот татко кој го диктираше нејзиниот личен и професионален живот – е позната по хитовите …Baby One More Time, Oops!… I Did It Again, Toxic и Gimme More.

Во јануари 2024 година, пејачката изјави дека „никогаш нема да се врати во музичката индустрија“. Нејзината последна песна беше дует објавен со Елтон Џон во 2022 година.

„Прајмари Вејв“ исто така ги има правата за сопственоста на Ноториус БИГ, Принс и Витни Хјустон.

Деталите за продажбата и точната цена на каталогот на Спирс не се објавени.

И истакнатите уметници како Брус Спрингстин, Џастин Бибер, Џастин Тимберлејк и Шакира неодамна ги продадоа своите каталози.

Спрингстин го продаде својот каталог на „Сони“ во 2021 година за 500 милиони долари, а Бибер наводно потпиша договор од 200 милиони долари со „Хипгносис Сонгс Капитал“ во 2023 година.

Издавачот е основан пред 20 години од музичкиот извршен директор Лоренс Местел, откако купи 50% од делот на Курт Кобејн од каталогот на „Нирвана“.

Спирс е една од најпродаваните женски уметници, со продадени повеќе од 150 милиони плочи низ целиот свет. Нејзиниот каталог вклучува девет студиски албуми од нејзиното деби во 1999 година.

Продажбата доаѓа по неколку бурни години за пејачката, која во 2021 година заврши со 13-годишното старателство – законско старателство во кое нејзините финансии и личен живот беа контролирани од нејзиниот татко.

Пејачката ги објави своите мемоари во 2023 година со наслов „Жената во мене“, во кои детално ги опиша нејзините борби живеејќи под старателството.

Нејзиниот поранешен сопруг Кевин Федерлајн ги објави своите мемоари, „You Thought You Knew“, на крајот од 2025 година.