На Меџик Мајк му го споиле скршеното рамо со шраф

Топ Вести - Слушај сега

Ченинг Тејтум сподели фотографија од болничкиот кревет додека се подготвува да оди под нож поради „раздвоено рамо“.

- Advertisement -

– Уште еден ден. Уште еден предизвик. Овој ќе биде тежок – напиша актерот на социјалните мрежи покрај фотографијата.

Актерот сподели и фотографии од неговите рендгенски снимки пред и по операцијата.

Во првата објава, Тејтум сподели рендгенска снимка од горниот дел од раката и рамото каде што јасно може да се види дека две коски се скршени.

– Одвоено рамо – напиша тој, а потоа следуваше втора фотографија после операцијата покрај која напиша: „Зашрафено рамо. Ура“.

За санирање на рамото на Тејтум бил употребен штраф, а ѕвездата го нарече искушението „тешко“ и „предизвик“.

Тејтум кој е татко на едно дете не откри како се случила неговата повреда, иако актерот е познат по тоа што изведува многу од своите каскадерски движења во своите филмови.

Во септември, ѕвездата на „Roofman“ изјави за Variety дека се повредил за време на снимањето на „Avengers: Doomsday“, чие премиерно прикажување е закажано за декември 2026 година.

Весникот објави дека Тејтум се појавил на интервјуто со куцање, а неговиот двојник морал да изведе многу од неговите потешки сцени во филмот, додека актерот требало да се подложи на интензивна физикална терапија за повредата на ногата.