Слај Данбар, тапанарот од Јамајка кој беше номиниран за наградата Греми вкупно 13 пати, а ја освои двапати, почина на возраст од 73 години.
Беше дел од влијателното дуо „Слај и Роби“ (Sly & Robbie), заедно со басистот Роби Шекспир. Дуото беше познато и како „Близнаците на ритамот“ (The Riddim Twins).
Тие оставија неизбришлива трага на реге-класиците на Блек Ухуру, Џими Клиф и Питер Тош. Нивната работа одекна и надвор од Јамајка, привлекувајќи уметници како Грејс Џонс и групата „Ролинг Стоунс“.
- Advertisement -
Веста за смртта на Слај ја потврдила неговата сопруга Телма.
Во својата посвета, списанието „Ролинг Стоун“ (Rolling Stone) истакна дека „Слај и Роби“ биле ненадминати мајстори на својот занает, носејќи суптилен, опуштен, но исклучително цврст ритмички пристап. Роби Шекспир почина во 2021 година.
Инаку, Данбар свиреше и со групата „Револушнрс“ (The Revolutionaries), домашниот состав на студиото „Ченел Уан“ (Channel One) на Јамајка, додека паралелно имаше интензивна концертна активност. Неговиот потпис се слуша и во песни како „Police and Thieves“ на Џуниор Марвин, „Easy to Love“ на Макси Прист, класиката „Double Barrel“ на Дејв и Ансел Колинс, како и во „Punky Reggae Party“ на Боб Марли.
Потсетете се на неговото неверојатно соло во видеото подолу.
