Белата куќа објави необични фотографии на „Х“

Топ Вести - Слушај сега

Белата куќа на социјалната мрежа „X“ објави фотографии од претседателот на САД Доналд Трамп на кои тој гледа низ прозорецот на својот канцелариски кабинет кон голема карта на Гренланд, со порака „Кликни за да ја следиш ситуацијата“.
Во објавата нема дополнително објаснување за контекстот или за тоа што точно значи повикот за следење на ситуацијата.
Трамп во повеќе наврати изјави дека Гренланд треба да стане дел од Соединетите Американски Држави, а во интервју за американски медиум во мај 2025 година не ја исклучи ни можноста за употреба на сила за да се постигне таа цел.
На 6 јануари годинава Белата куќа соопшти дека употребата на американската армија секогаш е опција што стои на располагање на врховниот командант, мислејќи на Трамп.
Гренланд е автономна територија во состав на Данска. Според договорот од 1951 година меѓу Вашингтон и Копенхаген, САД се обврзани да го бранат островот од евентуални закани.