Општина Кичево предупредува на чести злоупотреби на одобренијата за градба

Топ Вести - Слушај сега

Општина Кичево ги известува граѓаните дека на територијата на општината е евидентирана зачестена злоупотреба на издадените Одобренија за градење.

- Advertisement -

Во Одделението за инспекциски работи – Инспекторатот на Општина Кичево се водат постапки за објекти кај кои не е испочитувано Одобрението за градење, поради што статусот на тие објекти е доведен во прашање, а имотните листови на инвеститорите може да претрпат одредени измени.

Затоа, Општината апелира до граѓаните:

– При купување станови, особено на оние кои се изложени на продажба, пристапувајте со зголемено внимание.

Општината ги повикува граѓаните пред потпишување на било какви купопродажни договори да се обратат во просториите на Општина Кичево и да побараат подетални информации за конкретните објекти, со цел да бидат заштитени од евентуални манипулации и злоупотреби.