Расте бројот на странски туристи

Мерките на Владата во областа на туризмот даваат резултати и затоа во првите 10 месеци од годинава имаме повеќе од 5 проценти зголемување во вкупна бројка на туристи и близу 9 проценти странски туристи, но и околу 3 милиони преноќувања. Затоа ќе продолжиме со ваквите политики, бидејќи туризмот е многу значаен за помала земја како нашата и за промоција, но и за кеш пари за македонската економија, вели премиерот Христијан Мицкоски.

Тој очекува на крајот на годината да имаме двоцифрен број во проценти раст и во вкупниот број туристи, но и кај странските туристи.

– Имаме некаде отприлика во првите 10 месеци околу три милиони регистрирани преноќувања што е добро и очекувам во следниот период таа бројка да се зголемува. Активно ќе работиме и работиме веќе со активни политики бидејќи туристичкиот сектор е многу важен оти прво е промоција за државата, за би рекол релативно малубројна држава тоа многу значи, и второ, тоа значи и кеш пари во македонската економија – рече Мицкоски во одговор на новинарско прашање по посетата на реконструирана полициска станица во Бутел.

- Advertisement -

Во однос на порастот на издадени одобренија за градење истакна оти во октомври има бум, односно се издадени некаде околу 22 – 23 проценти повеќе од истиот период во минататагодина.

Тоа, рече премиерот, значи дека има повеќе инвестиции, градба, и тоа, според него е добро за БДП во четвртиот последен квартал од годината. Мицкоски очекува позитивни резултати на крајот од годината.