Граничниот премин Евзони (ГП Богородица) од 11:00 часот е затворен за сообраќај

Граничниот премин Евзони (ГП Богородица) од 11:00 часот е затворен за сообраќај, информираше АМСМ. Од македонска страна, пак, нема подолги задржувања за влез и излез од државата, па граѓаните можат да ги користат другите гранични премини.

Сообраќајот на државните патишта се одвива непречено, со претежно суви коловози, а надвор од градските средини интензитетот на возење е умерен.

АМСМ посочува дека е потребно прилагодено движење, почитување на поставената сообраќајна сигнализација и внимателно управување со возилата. Посебно внимание се препорачува на патиштата низ котлините, речните долини и клисурите, каде постои можност од појава на одрони. Овие делници вклучуваат: Катланово – Велес, Маврово – Дебар – Струга, Виница – Берово и Кочани – Делчево.

- Advertisement -

Возачите се повикуваат на трпение и внимателност, особено кога се движат по планинските и руралните делови на државата.