Вознемирувачко видео објавено на социјалните мрежи од блогерката Ана Сапарина, во кое се појавува нејзиниот син, предизвика голем гнев во Русија и отвори прашања за можни злоупотреби и потреба од итна истрага

Вознемирувачко видео објавено на социјалните мрежи од блогерката Ана Сапарина, во кое се појавува нејзиниот син, предизвика голем гнев во Русија и отвори прашања за можни злоупотреби и потреба од итна истрага.

Блогерката Ана Сапарина (36) од Саратов објави видео на кое се гледа како нејзиниот син лежи во вреќа од правосмукалка. Потоа таа ја вклучува правосмукалката и почнува да го извлекува воздухот од вреќата за, како што им објасни на своите следбеници, да му овозможи „посебно искуство“.

Момчето не реагира неколку секунди, но кога забележува дека неговата мајка не престанува, вознемирено извикнува: „Мамо!“. Во тој момент, Сапарина се смее и додава дека „и вие можете целосно да го запрете снабдувањето со кислород во вреќата“.

- Advertisement -

Предупредување: Видеото е вознемирувачко.

Објавувањето на содржината предизвика бурни реакции во Русија, при што многумина ја обвинија 36-годишната блогерка дека опасно си игра со животот на својот син. Локалните социјални служби побараа увид во условите за живот на семејството, како и во околностите што довеле до инцидентот.

Според пишувањата на медиумите, видеото иницирало полициска истрага, а Сапарина во меѓувреме го избришала од својот профил. Сепак, снимката веќе е масовно споделувана на интернет.

Ана е позната по својот блог за родителство, чија содржина често достигнува милиони прегледи.