Неделава ќе има постудени утра

Денес преку денот, во текот на ноќта и утре претпадне ќе има врнежи од дожд кои повремено ќе бидат пообилни и поројни со услови за појава на грмежи. Поинтензивни процеси со пообилен пороен дожд (локално над 30 l/m²) и засилен ветер ќе има во западните и во северозападните делови.

Најмногу дожд наврна на Попова Шапка и тоа 55 литри на метар квадратен.

Утре (понеделник) попладне врнежите ќе престанат, а облачноста ќе се намали.

- Advertisement -

Во Скопје, променливо облачно, претпладне со повремени врнежи од дожд, локално пообилни. Попладне врнежите ќе престанат. Ќе дува умерен ветер претежно од северен правец.

Во вторник ќе има локални врнежи од дожд со послаб интензитет и ќе дува умерен до засилен ветер од северозападен правец. Потоа во следните два дена времето ќе биде стабилно со постудени утра, а нови врнежи повторно се очекуваат во петок кон крајот на денот.