Здравко Чолиќ се смета за една од најголемите ѕвезди во поранешна Југославија, неговите хитови се сакани од сите генерации, а има информации дека Чолиќ го цени својот безвременски глас и настап на приватни забави дури на илјада евра – по минута.
Со други зборови, хонорарот е „по минута“, или „колку минути, толку илјади евра“. Ако го сакате на час, 60.000 евра, објавува Нова шоу.
Пејачот кој навистина може да избира, неодамна зел 45.000 евра за 45-минутно учество на свадба. На крајот на краиштата, Чолиќ е една од ретките вистински ѕвезди во овој регион, и тоа во одлична форма за комплетен настап, односно, за пеење и танцување.
– Тој имал одредени услови кои младенците и нивните семејства ги исполниле без приговор, па затоа сè било договорено многу брзо. Меѓу другото, побарал сцената да се подигне од подот за гостите да не му се приближуваат премногу додека пее, да нема нарачување песни и да нема фотографирање со гостите – вели изворот.
– Тој побарал 45.000 евра за 45-минутен настап и тоа веднаш било прифатено, бидејќи младенците ја обожаваат неговата музика. Првиот танц бил изведен на песната „Тебе чувам за крај“. Тој отпеал некои од неговите најголеми хитови, а сите биле трогнати додека ја изведувал песната „Ти си ми у крви“. Веднаш по настапот, тој го напуштил ресторанот, во придружба на обезбедувањето на ресторанот – изјавил учесник во несекојдневниот настан за медиумите.
