Љубовна драма во Карпош, полицијата го истражува случајот

Во скопски Карпош љубовна расправија завршила со сообраќаен инцидент и физички напад. Според информациите од Министерството за внатрешни работи, 44-годишен маж од тетовско пријавил дека неговата партнерка со своето возило удрила во неговиот автомобил, а потоа со остар предмет му ги оштетила гумите и физички го нападнала.

Инцидентот се случил на вчера околу 19 часот, а пријавата во полицијата била поднесена неколку часа подоцна, во раните утрински часови на 17 октомври.

Од Министерството за внатрешни работи потврдија дека случајот е пријавен и дека се работи на негово целосно расчистување.

- Advertisement -

– Се преземаат мерки за расчистување и документирање на настанот – изјавија од МВР за медиумите.