Стефковски: Започна со градба третата нова детска градинка во општина Гази Баба

Започна со градба третата нова детска градинка во општина Гази Баба, соопшти кандидатот за градоначалник Бобан Стефковски од ВМРО-ДПМНЕ.

Почнаа градежните активности за новата детска градинка помеѓу Маџари и Керамидница. Површината на градинката е 1.360 метри квадратни, а капацитетот е за 150 деца. Вредноста на објектот е 147 милиони денари кои се обезбедени од Владата.

„По градинките во Трубарево и Инџиково, денес ја почнуваме и третата градинка. Ова никогаш досега не се случило – во еден мандат, еден градоначалник да гради три нови градинки. И не застануваме тука!“, порача Стефковски.

- Advertisement -

Тој во вториот мандат ветува нови градинки и за Хиподром 2, Керамидница и за Сингелиќ.

– Место за секое дете во градинка – тоа е нашата мисија! – нагласи Стефковски.