Тешка сообраќајна несреќа на експресниот пат Штип-Кочани

Маж од Љуботен на возраст од 33 години вчера загина во тешка сообраќајна несреќа што се случи околу 9 часот на експресниот пат Штоп-Кочани.

„На 07.10.2025 година во 9.18 часот во ОВР Кочани е пријавено дека на експресниот пат ШтипКочани, во близина на селото Горни Подлог, кочанско, се случила сообраќајна несреќа помеѓу патничко возило „рено“ со регистарски ознаки од Македонски Брод, управувано од Х.М.(32) од село Трубарево, скопско и патничко возило „фолксваген поло“ со бугарски национални ознаки, управувано од 22-годишната И.М. од Кочани“, соопшти полицијата.

Во несреќата со повреди се здобиле двајцата возачи, како и Б.Д.(33) од Љуботен, скопско, Д.З.(36) од Трубарево и И.М.(21) од  Трубарево. Сите биле сопатници во возилото „рено“.

- Advertisement -

„По укажаната помош во болницата во Кочани, 22-годишната И.М. е пренесена во приватна болница во Скопје, а останатите се пренесени  во Комплексот клиники „Мајка Тереза“ во Скопје. Од здобиените повреди Б.Д. починал. Кај Х.М. се констатирани тешки телесни повреди, а кај останатите се констатирани телесни повреди. По наредба на јавен обвинител телото на починатиот е дадено на обдукција. Увид изврши екипа од СВР Штип-ОВР Кочани“, соопшти полицијата.