Background

Македонија2025 отвора врати кон светот

Македонија2025 ве информира за два активни повика за апликации за стипендии за 2026 година, насочени кон менаџери, бизнис лидери и претприемачи од Македонија кои сакаат да го надградат своето знаење и лидерски капацитети преку врвни меѓународни извршни програми.

Стипендии за програмата Зафировски  за извршно образование на Школата за менаџмент Келог

Преку поддршката на Фондацијата Робин и Мајк Зафировски и партнерството со Келог Школата за менаџмент, оваа програма овозможува стипендии за учество во престижната Програма за развој на извршни менаџери (EDP – Executive development program) на Универзитетот Нортвестерн во Чикаго, САД.

Програмата е наменета за искусни менаџери и претприемачи кои имаат најмалку 10 години професионално искуство и стремеж за унапредување на својот бизнис и зајакнување на економскиот развој на Македонија. Кандидатите учествуваат со сопствено кофинансирање.

- Advertisement -
Ad image

Алумни заедницата на Зафировски програмата денес брои неверојатни 52 личности кои со своето знаење и визија веќе го менуваат македонското стопанство.

Дознај повеќе информации за повикот, критериумите и начинот на аплицирање: ТУКА

Стипендии за извршно образование во Канада на Смит Школата за бизнис

Вториот повик е за доделување стипендии во соработка со Смит Школата за бизнис на Квинс Универзитетот во Кингстон, Канада. Кандидатите имаат можност да изберат меѓу двете програми: Лидерство или Стратешко извршување, секоја во времетраење од 5 работни дена во 2026 година.

Програмата е возобновена од минатата година и предизвикува голем интерес кај македонската бизнис заедница. Таа е наменета за средни и високи менаџери, како и за успешни претприемачи со најмалку 5 години релевантно искуство.

Македонија2025 покрива две третини од трошоците, додека кандидатите учествуваат со сопствено кофинансирање

Дознај повеќе информации за повикот, критериумите и начинот на аплицирање: ТУКА

Зошто да аплицирате?

Со овие два повика, Македонија2025 обезбедува уникатна можност за професионален раст, пристап до најсовремени знаења и создавање мрежа со глобални бизнис лидери. Крајната цел е да се зајакнат менаџерските капацитети во Македонија и да се поттикне долгорочен економски развој.

Рокови за аплицирање:

Зафировски програмата за извршно образование – до 16 октомври 2025

Програмата за извршно образование во Канада  – до 25 октомври 2025

За дополнителни информации може да се обратите на Нена Манчев, програмска менаџерка за програми од областа на лидерство и образование на nena@macedonia2025.com

– Македонија2025 останува посветена на градењето генерации лидери кои ќе ја движат нашата земја напред. Ова е ваша можност – инвестирајте во себе за да ја промениме Македонија заедно! – порачуваат од организацијата.

ЗА НАС

ОhridSky е ваш доверлив извор за сеопфатно и избалансирано покривање на вестите. Со посветеност на интегритет и точност, обезбедуваме длабинско известување кое ги открива приказните што се најважни.

© 2025 OhridSky. Сите права задржани.

Login to enjoy full advantages

Please login or subscribe to continue.

Go Premium!

Enjoy the full advantage of the premium access.

Stop following

Unfollow Cancel

Cancel subscription

Are you sure you want to cancel your subscription? You will lose your Premium access and stored playlists.

Go back Confirm cancellation