На манифестацијата „Денови на тиквата“ во Кикинда, Србија измерена е тиква од дури 832 килограми

На манифестацијата „Денови на тиквата“ во Кикинда, Србија измерена е тиква од дури 832 килограми.

Оваа тиква растела во стаклена градина околу 100 дена, под будното око на сега веќе петкратниот шампион, Унгарецот  Тибор Кокај, кој е земјоделец од околината на Будимпешта.

– Многу сум среќен што сме блиску до рекордот што го срушивме претходната година, секогаш се радувам кога доаѓаме во Кикинда. Секој ден истурав од 800 до 1200 литри вода – вели Кокај.

- Advertisement -

Второто место го освои сопругата на победникот Мелинда, со бројка од 799,5 килограми, додека третопласираната тикваа ја негуваа учениците и професорите од Земјоделското училиште во Бачка Топола.

Златниот медал во долги категории на тикви отиде кај минатогодишната победничка Гордана Лазиќ, чија тиква го растегна метарот на судијата на 295 сантиметри.

– Беше ужасна година, температурите се високи, борба е до крај. Подобро е што ја прскавме помалку за штетници, веројатно и тие избегаа од Сонцето – вели Лазиќ.