Македонскиот легендарен фудбалер Бошко Ѓуровски (63) кој е трофеен играч и тренер на Црвена звезда, сега претседател на ветераните на клубот, падна во несвест додека држеше говор на комеморацијата за Дејан Миловановиќ во просториите на клубот

Македонскиот легендарен фудбалер Бошко Ѓуровски (63) кој е трофеен играч и тренер на Црвена звезда, сега претседател на ветераните на клубот, падна во несвест додека држеше говор на комеморацијата за Дејан Миловановиќ во просториите на клубот.

Миловановиќ, поранешен капитен на Звезда и член на српската репрезентација, почина пред четири дена на 42-годишна возраст како последица на срцев удар на фудбалскиот терен, откако му се слоши за време на натпреварот помеѓу ветераните на Звездара и ПКБ, на кој постигна гол.

Ѓуровски се збогува со Миловановиќ со говор:

- Advertisement -

– Тој беше и останува симбол на Црвена Ѕвезда, тој беше идол на неговите соиграчи, играчи и навивачи кои дојдоа по него. Неговата љубов кон Звезда беше инспирирана од неговиот татко кој играше во познатата генерација и беше успешен во неа. Тој ги направи своите први чекори тука, играше за Звезда од самиот почеток – рече меѓу другото Ѓуровски.

Кога го заврши говорот, побара да му донесат вода. Откако се напи и го заврши говорот, се струполи. Публиката брзо се упати кон него, потоа му беше укажана медицинска помош, а како што објавија од клубот, Ѓуровски сега е во стабилна состојба.